Qaybta 3-aad
Inta aynaan bilaabin xaalada Macalimiinta aan waxyar dib ugu noqono sawirka dhabta ah ee sida ay yihiin xaalada dugsiyada, akhristoow waxaad garanaysaa oo aad Soo martay fasal buux-dhaafay oo ardaydii meel ay kala fadhiistaan aysan jirin oo Hal Macalin ah uusan maarayn Karin waxna u dhigi Karin bal waxaad suuraysataa tii oo xiligaan casriga ahna taas oo ardayda inta badan ay moobeelo wataan.
Fasal ka oo buuxa darteed macalinku waxba ma maqlo ardayduna macalinka ma maqlaan deetana waa macalinkuna xiisadii waan dhigay, ardayduna iskuulkii waan tagnay uun.
————
Qaybtaan 3-aad waxaan isdul taagi doonaa Xaalada dhabta ah ee ay ku sugan yihiin guud ahaan Macalimiinta deegaanka soomaalida gaar ahaan Macalimiinta dugsiyada hoose-dhexe. Waana waxa ugu horeeya ee la iswaydiin karo hadiiba Laga hadlayo tayada Waxbarashada maadaama ay iska cadahay in Macalin Tayo leh uun iisoo saari karo arday Tayo leh.
2. Waa sidee Xaalada Macalimiinta
A. Horta Yaa noqda Macalin xiligaan
Booska macalinimada waa mid xili kasta iska banaan oo shaqsigii raba maanta in uu noqdo macalin dugsi hoose-dhexe ah waa mid markasta laheli karo kumana xidhna shuruudo adag waana shaqada ugu fudud maantay guud ahaan deegaanka soomaalida.
Macalinka dugsiyada hoose-dhexe waxaa inta badan noqda shaqsi soo waayay shaqooyinkii kale ee uu rabay mana jiro Macalin ku faraxsan shaqadaan oo rabitaankiisa dhabta ah ku galay, waxaad fahmi kartaa akhristoow in hadii uu fursad kale helo xataa isaga oo xiisada kujira in uu macasalaamayn karo iskuulkii uu macalinka ka ahaa, wax damaanad ahna mahaystaan ardayda oo uu macalinku kula dhamaysan karo ugu yaraan sanad dugsiyadeed.
Tayada macalinka oo aad u hoosaysa iyo xirfada wax barida oo inta badan ay aad ugu liitaan maadaama wax barida laftirkeeda la barto ayaa saamayn wayn wali ku leh tayada waxbarashada markii la iska indho tiray in wax Laga badalana waxay Ina dhaxalsiisay uun “isbadalkii kahor lagama hadli jirin dhibka jira“
B. Macalimiinta maku Filan yihiin iskuulada
Inta badan dugsiyada waxaa Jira Macalin yaraan maadaama aan soo sheegay in macalinimada xiligaan lagu sugo uun shaqooyin kale markaa waxaa dhacda in Macalin yaraan ay ka jirto dugsiyada, Waxaa dhacda in hal Macalin ahi uu u dhigo hal fasal 3 maado si lamid ah uu fasalo aad uuga badan isaga maarayn ahaan uu wax u dhigo, ama laba dugsi oo kala fog uu wax kadhigo taasna waxay si toos ah u saamaynaysaa tayada Waxbarashada.
Waxaa kale oo dhacda maadaama gunooyinka macalinka oo aad iyo aad u yar darteed isaga oo ku fikiraya sidii uu dhaqaalahu ugu badan lahaa inuu iskuulo kala duwan wax uuga dhigo kadibna uusan u aaba-yeelin tayada waxbarasho ee uu ardayga u gudbin lahaa, maadaama ay dhici karto in uu xooga saaro meesha uu ka helayo nacfiga, daryeelka iyo maamuuska ugu badan.
C. Waa sidee gunooyinka Macalinka, mase helaan daryeelka ay mudan yihiin
Inkastoo sida saxda ah ay dawlada mushaharka ugu fiican in ay ka helaan ahayd Macalimiinta iyo booliska hada Macalinka waa muwaadiniinta ugu gonooyinka yar uguna daryeelka hooseeya maantay guud ahaan Deegaanka Soomaalida. Macalimiinta:
- Mahaystaan mushahar ku Filan oo ay ku maareeyaan noloshooda
- Mahaystaan guryo ay Dagaan
- Mahaystaan gaadiid ay raacaan
- Mahaystaan daryeel kale
Waxaad arkaysaa Marka aad ukala socoto magaalooyinka aroorta hore Macalimiinta taagan keelaayada oo raba inay ku laaban gawaadhida wadada maraya si ay u gaadhaan qabalee hebel oo ay arday badan kusugayaan, hadii uu maalintaan gaadhi helo xiliguu tagaba wuu aadi hadii uu waayana xaafadiisa ayuu isaga noqon. waa xaqiiqo arintaan qofkastana waa uun mid arkay iyo mid maqlay.
Ma helaan daryeel caafimaad Macalimiinta iyo qoyaysas koodaba, arintaas darteed ayaanan ku qasabta in hadii ay fursad kale helaan aynan ku hakanin iskuulada ay ka howl galaan. waana wax iska cad in qofkasta uu rabo in waxa uu bixinayo wax kabadan uu helo. Macalimiintana waa muwaadiniinta bixiya wax aad uuga badan waxa ay helaan taas cidna kuma abaalmariso xataa lama xuso.
Birhanu Nega: oo ah wasiirka waxbarashada ee wadanka ayaa bilowga mudo xileedkiisa mar yidhi “Macalinimada waxaan ka dhigi doonaa darajo aad loogu tartamo oo qafkii raba uu ku heli karo uun aqoon iyo khibrad aad u saraysa maadaama aan gaadhsiin doona meeqaamkeeda meesha ugu saraysa.” warkaasi wuxuu noqday uun wararkii musharixiinta soomaalida ee olalaha doorashada ku jira
Hadii iskuulka loo qabanayo miisaaniyad aad u badan dhismihiisa ha lagu fuliyo lacagtaas ama yaanan laguwada fulinin e, hadana uu macalinkii uu sidaas ka yahay adigana waad fahmi kartaa akhristoow in dhismaha iyo darbiyada aysan soo saaraynin kaliya arday tayo leh oo wanaagsan.
Macallin tayo leh → Arday tayo leh
Arday tayo leh → Bulsho tayo leh
Bulsho tayo leh → Deegaan horumar leh
la soco qaybta – 4aad
Qaybta 4-aad waxaan kaga hadli doonaa
- Yaa iska leh masuuliyada dhabta?
- Maxaa la gudboon shacabka doorashada kahor
- Iyo xalka macquulka ah ee wakhtigaan
KA
hoos ka akhri qaybihii hore
One Comment on “Maxaa Sababay Tayo Xumada Waxbarashada ee DDS? Q-3aad”