Waa Sidee Xaalada Dhabta Ah Dhinaca Biyaha Ee DDS? Q-1aad

Xaaladda Dhabta ah ee Biyaha DDS

Waxaan si balaadhan u falanqayn doono xaaladda dhabta ah ee biyaha guud ahaan Deegaanka Soomaalida, waxaan ognahay in biyo nadiif ah uu qof kasta oo deegaanka ku nool meeshuu dooni ha joogee uu u baahan yahay maalin kasta. Haddana bulshada ku dhaqan DDS badankeed uu ma helaan si joogto ah.

Biyaha waa laf-dhabarta nolosha waana wax iska cad rabitaanka biyaha waxay la kowsadeen jiritaanka aadamaha waana halka ay ka bilaabato waxkasta oo kale sida caafimaadka, waxbarashada, dhaqaalaha, xoolaha, beeraha, iyo jiritaanka bulshada oo dhan. Ummad biyo la’aan ku nool, horumar ma gaadhi karto, nolol degan ma heli karto, caafimaadna ma ilaalin karto taas qofkasta ayaa garanaya.

Ma aha arrin cusub in deegaanka oo baaxad weyn, leh tuulo, miyi, magaalo, ama xataa caasimada, ay weli ku jirto halka ugu hooseysa marka laga hadlayo helitaanka biyo nadiif ah.  anagu kahadli mayno isbadalkii kahor iyo kadib toona. Waxaan ka hadli doonaa   Xaqiiqda qadhaadh ee waaqiciga ah, waana inaan si cad u sheegnaa, adeegga biyaha ee deegaanka ma aha mid xiligeen oo aqoon iyo miisaaniydba ay jirto la jaan qaadaya, mana aha mid ka tarjumaya baahida shacabka.

Waxaa jira maamul xumo, qorshe la’aan, mudnaanta oo la lumiyo, iyo mararka qaar faham la’aan ku saabsan waxa ay ka dhigan tahay in la maamulo adeeg biyo ma aha oo kaliya in ceel la qodo, balse in la habeeyo nidaam shaqeeya oo dhamaystiran.

Maamulka biyuhu waa inuu ahaadaa mid ka madax bannaan siyaasadda, islamarkaana garanayo ama ugu yaraan la shaqayn kara xirfadlayaal biyo yaqaan ah (hydrologists, Hydraulics, water engineers, water resource managers, Water Schems Expert),

Shaqada biyuhu maaha mid la mid ah mashaariicda kale ee dhismaha,

Waxaan si cad, oo xog ogaal ah, oo aan waxba la qarinaynin cidna loo aaba yeelaynin aan kaga ka hadli doonaa:

• Waa sidee maamulka xafiiska biyaha deegaanka?
• Sidee loo maamulaa ama loo maamulay mashaariicda biyaha?
• Xaqiiqooyinka dhabta ah ee ka jira deegaanka dhinaca biyaha guud ahaan
• Xogo dhamaystiran oo muujinaya dhibaatada jirta?
• Miyay is leeyihiin Miisaaniyada loo qoondeeyo biyaha iyo natiijada?
• Talooyin iyo hab-raac xirfadeed oo lagu heli karo biyo tiro iyo tayaba leh mustaqbalka dhaw?

Dhawaan kala  soco bartaan maqaal xiiso leh, oo xaqiiq ah, xog dhamaystirana wata,  kaas oo ku salaysan baahida biyaha nadiifta ah ee ka jirta guud ahaan deegaanka soomaalida.

KA