In badan oo inaga mid ahi waxay ku riyoodaan isbeddel nololeed: in ay noqdaan qof adkaysi badan, qof wax badan og, qof dhaqaale fiican leh, qof kalsooni leh, ama qof caafimaadkiisu sareeyo.
Laakiin marka la eego nolosha maanta, waxaa dadka intooda badan hortaagan hal qalad oo keli ah waxay ku mashquulaan wixii tagay qaar kalena waxa aan lagaadhin, halka aysan maalinta maanta ah xooga saain islamarkaana aysan waxba u bilaabin.
Dhabti waxaad nolosha u badali kartaa qaab ka wanaagsan sida aad hada tahay waxaadna 6 bilood kama dambayn noqon kartaa qof si muuqda uuga duwan qofka maanta aad tahay haddii aad maanta qabsato go’aan yar oo joogto noqda.
Qoraalkan waxaan uga hadlaynaa sababta 6 bil kaliya ay ugu filan tahay isbeddel muuqda, waxa ay kaaga baahan tahay, iyo sida aad uga fudud, ugu fiican ee aad uga dhigi karto xaqiiqo adiga kuu gaar ah.
1. Waa Waqti ku filan inaad maskaxdaada u abuurto Jawi Cusub
Cilmi-nafsigu wuxuu caddeeyay in maskaxda aadanaha ay leedahay awood la yiraahdo neuroplasticity, taas oo u saamaxda inay dib isu abaabusho marka aad wax cusub ku celceliso muddo ku filan.
Markaad maalin kasta 30 daqiiqo u hurto waxbarasho, akhris, hawl caafimaad, ama xirfad cusub, maskaxdu waxay bilowdaa:
- Inay dhisto xirfado cusub
- Inay burburiso caadooyin xun
- Inay kordhiso xusuusta iyo fikradaha fiican
- Inay kuu dhisto kalsooni cusub
6 bilood oo sidan ah waxay ka dhigan tahay qiyaastii 180 maalmood oo dib-u-dhis ah. Maalin keliya wax badan ma badasho, laakiin 180 maalmood waxay dhisi karaan qof cusub oo meelkasta ka xoogan si lamid ah ka dhamaystiran.
2. Wax yar oo la joogteeyo ayaa ka waxtar badan wax badan oo maalin kaliya ah
Qof walba wuu jecel yahay inuu sameeyo isbadel degdeg ah, laakiin waa sababta ugu weyn ee dadku u fashilmaan. Isbadelka nolosha dhabta ahi wuxuu ka yimaadaa:
- 20 daqiiqo oo jimicsi ah maalin kasta
- Hal cashar oo koorso ah maalintii
- Qoraal gaaban oo aad u samayso qorshahaaga
- 15 bog oo aad akhrido
- Awoodda aad u leedahay inaad diido caado xun
Haddii aad taas oo keliya sii waddo 6 bil:
- Waxaad dareemi doontaa tamar badan
- Waxaad baran doontaa xirfado cusub
- Waxaad dhisi doontaa nidaam nolosha kuu gaar ah
- Waxaad yeelan doontaa asxaab kugu taageerta
- Waxaad heli doontaa fursado kuu iman lahaa oo keliya marka aad diyaar noqoto
Isbadel yar oo maalin kasta ah wuxuu ka weyn yahay dadaal weyn oo hal mar ah.
3S = Simple, Small, Steps
3. Waxay ku filan tahay In ka badelo dhaqaalahaaga
Haddii aad maanta bilowdo xirfad cusub sida digital marketing, design, coding, translation, ama photoshops. 6 bil kadib waxaad gaari kartaa heer aad lacago badan kasoo saari karto:
- Freelance platforms
- Social media content
- Remote jobs
- Skills online lagu iibiyo
Dunida maanta, xirfad kaliya oo aad baratid 6 bil gudahood ayaa samayn karta farqi aad u weyn, gaar ahaan haddii aad joogtayso laakiin su’aashu waxaa weeye ma tahay qofka sida naf hurista ah diyaarka u ah
4. Caado kasta oo xun waxay qaadataa 90 maalmood In la joojiyo, iyo 90 kale in la badalo
Tani waxay ka dhigan tahay in 180 maalmood taas oo ah 6 bilood
Waxaad joojin kartaa:
- Dib u dhaca
- Jimicsi la’aanta
- Isticmaalka waqtiga badan ee si aan faa’iido lahayn
- Joojinta asxaabta kaa hor istaagta horumar
- Caadooyinka dhaawaca u leh caafimaadka
Waxaad ku beddeli kartaa:
- Jimicsi
- Akhris
- Barashada xirfad
- Qorshayn
- Nidaam shaqo oo wax soo saar leh
Sidaas darteed, 6 bil waa waqtiga ugu haboon ee caado qof cusub kaa dhigi karta lagu nidaamin karo islamarkaana aad noloshaada si wayn dhanka wanaagaaga ugu badali karto.
5. Maalin kaliya waxba ma badasho
Marka aad soo toosto subax walba, waxaad leedahay laba doorasho:
- Inaad ku noqoto qofkaad shalay ahayd
- Inaad noqoto qofka aad barito rabto inaad noqoto
Waa xaqiiqo in doorashada yar ee aad maanta samayso waxay kuu horseedaa qof cusub 180 maalmood kadib.
6. Maxaad ka bilaabi kartaa isla maanta?
Halkaan waxaan kugu siinayaa talooyin fudud oo la qaadan karo isla maanta:
- Dooro hal xirfad oo aad baranayso 6 bil
- Qor hal caado xun oo aad joojinayso
- Samee jadwal 20–30 daqiiqo maalin kasta
- Ku bilow talaabo aad samayn karto 24 saac gudahood
- Ku qor meel muuqata adiga oo qoraya: “6 bil kadib waxaan ahaanayaa qof kale.”
Gunaanad
Maanta waa maalinta go’aanka.
Maalmaha soo socda waa maalmaha isbadalka.
Halka aad 6 bil ka dib istaagi doontana maanta ayey ka bilaabataa.
Haddii aad maanta bilowdo, 6 bil kadib adiga ayaa is badali doona.
KA
