5-Calaamad oo cadaynayaan in Inaad Wadadii Guusha Ku Jirto — Xitaa Haddii Aadan Natiijo Degdeg ah wali arkaynin
Dad badan ayaa guusha u fahma keliya natiijo degdeg ah oo u muuqata: lacag badan, shaqo fiican, dhal-dhalaal wanaagsan, magac ama taageerayaal. Laakiin runta waxa ay tahay guusha dhabta ahi ma bilaabato maalinta natiijadu muuqato waxay bilaabataa maalinta aad u jihaysato qaadida jidka saxda ah.
Waxaa jira calaamado cad-cad oo kuu sheegaya inaad ku socoto wadada guusha, xitaa haddii aad weli aragti ahaan u muuqato qof bilow ah. Maanta waxaan isla eegi doonaa 5 calaamadood oo cilmi-nafsi ku dhisan oo kuu xaqiijinaya in aad ku socoto jihada saxda ah xataa hadii aadan wali wax natiijo ah aadan helin.
1. Waxaad isku aragtaa inaad u adkeysanayso arimaha in ka badan sidii hore
Mid ka mid ah calaamadaha ugu cad ee guusha waa adkeysiga.
Haddii aad isku aragto:
- Inaadan si degdeg ah u niyad jabin
-
Inaadan ka tanaasulin yoolkaaga wax walba oo dhaca
-
Inaadan ka cararin caqabadaha
Taasi waa calaamad xooggan oo kuu sheegeysa inaad ku socoto wadadii guusha.
Adkeysigu waa sirta guusha. Dadka ugu guusha badan ee dunida maanta jooga, sida Elon Musk, Cristiano Ronaldo, iyo Jack Ma, waxay wadaagaaneen hal shay: Ma aysan istaagin xitaa markii ay soo gaartay guuldarrooyin aad u badan taas oo dad badan ay dib u laabteen markii ay soo wajaheen caqabado iyo guuldarooyin.
2. Waxaad Aragtaa Horumar Yar-yar, Laakiin Joogto Ah
Guusha dhabta ahi waa mid tartiib u korta. Ma aha mid ka dhacda hal habeen, joogtaynta waa furaha isamarkaasna ah sirta ugu muhiimsan ee guusha dhabta ah ee wakhti dheer raagta, waana arinta ay fahmeen dadka tirada yar ee jooga maantay meeshii ay kuhamin jireen.
Haddii aad:
- Maalin kasta wax yar ku kordhisay aqoontaada
-
Xirfaddaada wax yar yara horumariso
-
Tababar ama akhris joogto ah sameyneyso
-
Qalbi ahaan dareemeyso inaad ka wanaagsan tahay kii shalay
Markaa waa hubaal inaad wadada saxda ku jirto. Horumarka yar ee joogtada ahi wuxuu in badan ka qiimo badan yahay dadaalka degdega ah ee aad maalin keliya bixiso kadibna aad meeshaas ku dhaafto.
3. Waxaad is aragtaa inaad ka fikirayso mustaqbal-ka Fog, oo aadan eegaynin maanta kaliya
Dad badan waxay la nool yihiin dhibaato ama khalad soo maray shalay iyo maalmo tagay halka kuwo kale ku nool yihiin maanta: waxa maanta la cuno, waxa maanta la helo, ama waxa maanta lagu raaxaysto. Laakiin qofka ku jira wadada guusha wuxuu si qoto dheer u fikiraa:
- Sanadka soo socda maxaan doonayaa?
-
5 sano kadib kuma ayaan rabaa inaan noqdo?
-
Noloshayda sidee u arki doonaa marka aan xasilo?
Haddii aad bilowday inaad fikirkaaga u beddesho mustaqbal fog, ogow inaad durba bilawday jidka horumarka. ha dhawaato ama ha dheeraatee aad gaadhi doonto.
4. Waxaad si fiican u Baratay Nafsaddaada
Mid ka mid ah talooyinka horumarka ee ugu weyn uguna horeeya waa inaad sida ugu fiican ugu saxsan u barato naftaada, markii aad si dhab ah u taqaano naftaada waxaad garanaysaa waxa aad sida fiican taqaano iyo waxa kale xataa waxay kaa caawin doontaa in marka wax aadan ahayn lagugu sheego in aadan waxba kasoo qaadin maadaama aad taqaano naftaada.
si dhab ah hadii barato naftaada waxaa kuusoo baxaya:
- Waxa aad ku fiican tahay
-
Waxa aad ku liidataa
-
Waxaad jeceshahay
-
Waxaad neceb tahay
Haddii aad bilowday inaad fahanto daciifnimadaada iyo xooggaaga, waxaad heshay mid ka mid ah hubka ugu awoodda badan ee nolosha. Ogow ma jiro cidkale oo kuu qaban kartaa shaqadaan oo aan k ahayn adiga.
Qof og islamarkaana yaqaana waxa u shaqeeya iyo waxa uu ku fiican yahay wuxuu ka dhaqso badan yahay qof isku dayaya inuu noqdo qof uusan ahayn.
5. Waxaad Bilaawday Inaad ka fogaato waxyaalaha maalaayacniga ah
Runtii wakhtiga waa noloshaada markii si toos ah loo qeexayo, hadiiba ay sidaas tahay waxaad tahay uun waxa aad wakhtigaaga galiso, sida aad u maarayso waxay xaqiijin doontaa jihada aad u socoto noloshaan adunyo ee gaaban.
Haddii aad:
- Yaraysey ku milanka dadka caadada u leh niyad-jabka
- Ka fogaatay saaxiibo kaliya kaa luminaya waqtiga
- Si fiican u xisaabinayso meesha aad ku bixinayso wakhtigaaga
- ka fogaatay ku mashquulka iyo kahadalka wax aan ku khusaynin
-
Kala fogaatay naftaada qof kasta oo kuu horseedi kara khasaaro aduun iyo aakhiraba
Tani waa calaamad dahabi ah.
Guushu waxay ka dhax dhalanaysaa jawi nadiif ah, maskax furan iyo dad wanaagsan.
Xaqiiqatan dadka aad la joogto ama aad wakhtiga ugu badan ku bixiso waxay saameyn toos ah ku leeyihiin guushaada iyo guul-daradaada. Haddii aad bilowday inaad sameyso doorashooyin ka wanaagsan kuwii hore, ogow in aad ku socoto jidka guusha iyo wanaaga.
Maxaa muujinaya in calaamadahan ay yihiin wadada guusha?
Sababtu waxay tahay:
- Waxay dhisayaan nidaamka maskaxda (mindset of success)
- Waxay abuurayaan joogtayn (consistency)
- Waxay yaraynayaan niyad-jabka
-
Waxay ku siinayaan aragti cad
-
Waxay ku barayaan dhiirranaan iyo go’aan qaadasho
Dhabtii Qofka leh 5-ta calaamadood ee kor ku xusan wuxuu hayaa wadadii guusha ha dhawaato ama ha dheeraatee waa kii maalin uun gaadha yoolkiisa wuxuuna dib u fiirin doonaa jidkii uu soomaray iyo sida uu u ahaa mid ku dhiiran gaadhida riyadiisa.
- KA
